Бөлүмдөр
Ишемби, 24-февраль
Ысык-Көл

Жети-Өгүздө айыл чарба кооперативи ишке берилди (фото)

Turmush -  Жети-Өгүз районунун Ак-Дөбө айыл аймагында дагы бир кооператив ишке берилди, деп билдирди аймактык кабарчы.

Маалым болгондой, айыл аймактын эли кореялык уюм менен 3 жылдан бери алгылыктуу иш алып барып келишет. Буга чейин аталган уюм Ак-Дөбө айыл аймагындагы жакыр жана өтө жакыр жашаган үй-бүлөлөргө айыл чарба техникалары, элита сортундагы арпа, буудай, картошкалардын үрөндөрү менен жардам берип келген.

Буга чейин Ак-Дөбө айыл аймагынын Тилекмат айылына эл аралык уюмдун жардамы менен «Эрнист» айыл чарба кооперативинин түзүлүшүнө да ар тараптуу жардам көрсөтүлгөн. Ал эми ушул жылдын август айында Ак-Дөбө айыл аймагынын Мундуз айылында «ТСК Ак-Дөбө» кооперативи жергиликтүү тургундар тарабынан уюштурулуп, учурда курамында 26 киши бар.

Кореялык уюм аталган айыл аймактын эли үчүн 24 миң долларга 3 техника жана 10 миң доллардан ашык каражатка 100 тонна түшүм батуучу кампа белекке беришкен.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 591
Комментарии
Обсуждения закрыты
Көп окулду
Учурда окулуп жатат
×