Бөлүмдөр
Шейшемби, 13-ноябрь
Ысык-Көл облусуЖети-Өгүз району 22.01.2018 12:30

Айыл турмушу: Жети-өгүздүк уста Ж.Иманалиевди айылдаштары «темирдин атасы» деп аташат (фото)

Turmush -  Жети-Өгүз районунун Мундуз айылынын 54 жаштагы тургуну Жолдошбек Иманалиев ата жолун улап, устачылык менен алектенет. Аймактык кабарчы аны менен таанышты.

Өзүнүн айтымында, атасы Карыпжан 5 айылдын элине кызмат кылган мыкты уста болгон.

«Буга чейин атка чегилүүчү айыл чарба шаймандарын темирден жасачумун. Кийин өзүмө чөп майдалоочу жабдык жасаган соң ага болгон суроо-талап арбын боло баштады. Учурда аны 20 миң сомго сатыкка койдум. Мен жасаган айыл чарба шаймандар 20 миң сомдон 100 миң сомго чейин бааланат. Учурда жазгы айдап-себүү иштерине техникаларды кароодон өткөрүп, буйрутмаларды бүтүрүү менен алектенип жатам», - дейт ал.

Уста темирдин бардык түрү менен иштегендиктен айылдаштары аны «темирдин атасы» деп аташат.

Устанын жубайы Д.Истакеева да кол өнөрчүлүк менен алектенип, келиндерине курак кураганды үйрөтүп келет. Алар 8 баланы тарбиялап, бутуна тургузушкан. 3 уулу атасынын жолун улап, устачылык кылышат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×