Бөлүмдөр
Шейшемби, 13-ноябрь
Ысык-Көл облусуЖети-Өгүз району 23.01.2018 09:01

Жети-Өгүз районунда 1 адамды кар көчкү басып калды

Turmush -  21-январда Жети-Өгүз районунда 1 адамды кар көчкү басып калды. Бул тууралуу ӨКМден билдиришти.

Маалыматка караганда, кечке маал Жети-Өгүз айыл өкмөтүнүн Көк-Жайык жайлоосунун Телти аймагында 3 адам – 1979-жылы туулган А.Р.Б, 1991-жылы туулган А.Д.Б. жана 1980-жылы туулган К.Д. отун чогултуп жүргөн учурда кар көчкү түшүп, 1979-жылы туулган А.Р.Б. көчкү алдында калган. Анын жанындагы 2 адам аман калышты.

Издөө-куткаруу иштерине 22-январь күнү ӨКМдин Ысык-Көл облусу боюнча башкармалыгынын өкүлдөрү, Каракол шаардык №15 адистештирилген өрт-куткаруу бөлүгүнөн 8 куткаруучу, жергиликтүү тургундардан 30 адам «Нива» жана «ЗИЛ-131» үлгүсүндөгү унаалар менен жөнөп кеткен. Кырсык болгон жерде уюлдук байланыш жок болгондугуна байланыштуу учурда куткаруучулар менен байланыш болбой жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×