Бөлүмдөр
Шаршемби, 23-май
Ысык-Көл

Жети-Өгүздүн Көк-Жайык жайлоосунда кар көчкү алдында калган 38 жаштагы адам изделүүдө (фото)

Turmush -  Ысык-Көл облусунун Жети-Өгүз районунда кар көчкү астында калган адамды издөө иштери улантылып жатат. Бул тууралуу ӨКМдин басма сөз кызматы бүгүн, 24-январда билдирди.

Маалыматка караганда, 21-январь күнү саат 17:00 чамасында Көк-Жайык жайлоосунун Телти участогунда 3 адам аң улоодо жүрүшкөндө кар көчкү түшүп, 1979-жылы туулган Р.А. кар көчкү алдында калган.

Кар көчкү боюнча маалымат ӨКМге 22-январь күнү саат 20:00дө түшкөн. Издөө иш-чараларын жүргүзүүгө алгач ӨКМден 10 адам жана Жети-Өгүз айылынын тургундарынан 30 адам тартылган.

«23-январда саат 15:00дө кар көчкү түшкөн аймактан 2 жергиликтүү тургун тамак-аш алып кетүү үчүн Жети-Өгүз айылына келишкен. Алардын берген маалыматы боюнча, издөө иштери улантылып жатат жана түшкөн кар көчкүнүн көлөмү болжол менен 154 миң куб метрди түзгөн», - деп айтылат маалыматта.

ӨКМдин басма сөз кызматы маалымдагандай, бүгүн саат 05:45де издөө иштерин улантуу үчүн ӨКМ тарабынан жалпы 52 куткаруучу 3 даана «ГАЗ-66» унаалары менен жөнөп кетишти. Мындан сырткары жергиликтүү тургундардан 50 адам издөө иштерине тартылды.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 871
Көп окулду
×